يەک زەخمدار وە تەقینەویگ لەبان کاروانیگ هاوپەیمان ناودەوڵەتی لە ری بابل
2021-04-22T12:15:03+00:00
شەفەق نیوز/ سەرچەوەیگ ئەمنی وەرپس، ئمڕوو پەنجشەممە، خەوەردا لە پەلاماریگ لەبان کاروانیگ سەروە هاوپەیمان ناودەوڵەتی وە بومبیگ دانریاگ لە پارێزگای بابل.
سەرچەوەگە ئەرا ئاژانس شەفەق نیوز وت: بومبیگ دانریاگ تەقیە بان کاراوانیگ پاڵپشتی لۆجستی سەروە هاوپەیمان ناودەوڵەتی لە مەوقەی رەدبوینی لەبان ری زوینەی بابل.
سەرچەوەگە وتیش؛ ئەندامیگ لە کۆمپانی ئەمنی ک گریەبەسی وەگەرد هاوپەیمانی کردگە لە تەقینەوەگە زەخمدار بوی ک خوەی ناسنامەی عراقیە، و یەکیگ لە ماشینەیل کاروانەگە زەرەدمەن بوی.
