يه‌ك مليار كه‌س وه‌بێ كاره‌با ژيه‌ن
بانك ناوده‌وڵه‌تی له راپۆرتێگ ئاشكراێه‌و كردگه، سه‌ره‌ڕاێ زیاێبوين به‌رهه‌مهاوردن وزه‌ێ كاره‌با له جه‌هان، وه‌لێ وه‌خاتر جه‌نگ و ناكووكيه‌يل، زیاتر له ملیارێگ ئنسان وه‌بێ وزه‌ێ كاره‌با ژیان به‌نه‌سه‌ر.
وه‌گوره‌ێ راپۆرته‌گه به‌رهه‌مهاوردن وه‌زه‌ێ كاره‌با له ساڵ (2012) ئه‌ڕا (85%) به‌رزه‌وبويه‌سه‌و له‌وه‌ختێگ به‌رهه‌مهاوردن كاره‌با له ساڵ (2010) وه رێژه‌ێ (83%) بويه، وه‌لێ يه لێوانه‌كردگه شۆماره‌ێ ئه‌و كه‌سه‌يله كه‌مه‌وبكا ك سوود له وزه‌ێ كاره‌با وه‌رناگرن.
ئاماژه وه‌وه‌يشكرياگه، ئيسه له وڵات "یه‌مه‌ن" (16) ملیۆن هاوڵاتی بێبه‌شبوينه له وزه‌ێ كاره‌با و هه‌ميش (65%) نیشته‌جايه‌یل وڵات سوریا وه‌خاتر جه‌نگ و ناكووكيه‌يل ئه‌و وڵاته وه‌بێ كاره‌با ژیه‌ن.
له وڵات هندستانیش وه‌خاتر وه‌‌كارهاوردن ته‌كنه‌لۆژیاێ نوو و سودوه‌رگردن له‌لێیان، به‌رهه‌مهاوردن كاره‌با زیاێ كردگه و له‌وه‌ختێگ به‌رهه‌مهاوردن كاره‌با وه سوودوه‌رگردن له‌هه‌مان ته‌كنه‌لۆژیا، له وڵاته‌یل كێشوه‌ر ئه‌فریقا يه‌واشتر وه‌ڕێه‌وچوود.
ئانێتا مارانگۆلی گه‌ورا وه‌ڕێه‌و‌به‌ر كه‌رت وزه له بانك ناوده‌وڵه‌تی له‌وباره‌وه وتگه، هه‌نگاوه‌يلمان ئه‌ڕا به‌رهه‌مهاوردن وزه وه ئاراسته‌ێگ راسكانیا چوود، وه‌لێ ڕه‌سين وه هێڵ كووتایی وه‌خت فره‌ێگ ئه‌خوازێ.
