يه‌كێتى بانكه‌يل عراق پشتگيرى داوه‌زانن نرخ دۆلار ئه‌كا
2015-06-18T10:07:14+00:00
يه‌كێتى بانكه‌يل ئه‌هلى عراق له به‌ياننامه‌يگ ك(شه‌فه‌ق نيوز)ئاگادارى بوى، وت: بريار ئى دوياخر بانك ناوه‌ندى عراقى له‌باوه‌ت وه ده‌وامكردن رووژه‌يل شه‌ممه ئه‌را دابينكردن داواكاريه‌يل له‌بان پويل بيگانه هاووه‌خت بوى وه‌ل هه‌وه‌جه له‌بان دۆلار و ئه‌و برياريشه ئاسانكارى ئه‌را كار بانكه‌يل دروسكرد.
جى باسه، به‌ياننامه‌گه ئاماژه وه‌يه‌يش كردگه ك بريار كه‌مه‌وكردن ماوه‌ى داناين بره پويل تايبه‌ت له بانكه‌يل له 10 رووژه‌و ئه‌را په‌نج رووژ وه‌شيوه‌يگ راسه‌وخۆ كاريگه‌رى ديريد له‌بان داوه‌زانن نرخ فرووشتن دۆلار له‌وه‌رانوه‌ر دينار عراقى.
ج . أ
