يه‌كه‌م په‌يام ئه‌مريكا ئه‌را عه‌لاوى له‌باره‌ى عراق و ئيران

Category: هــــه‌واڵ عــیراق

Date: 2020-02-14T10:18:40+0000
يه‌كه‌م په‌يام ئه‌مريكا ئه‌را عه‌لاوى له‌باره‌ى عراق و ئيران

شه‌فه‌ق نيوز/ وه‌ربرسيگ باڵا له‌ وه‌زاره‌ت خارجيه‌ى ئه‌مريكا، داوا له‌ محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ كرد جواو داواكاريه‌يل ملله‌ت عراقى بيه‌ێد و رێگرى له‌ گه‌نده‌ڵى بكا، ئاماژه‌ وه‌يه‌يش كرد ئداره‌ى ئه‌مريكا له‌گشت ئاستيگ هاوكاريه‌و وه‌ل حكومه‌ت عراقييه‌و شيه‌وكردن ئه‌كا له‌چوارچيوه‌ى په‌يوه‌نديه‌يل ستراتيجى گشتگير ك هه‌روگ وڵات گرده‌و ئه‌كا.

 

له‌ى باوه‌ته‌و، وێستگه‌ى عه‌ره‌بى له‌ زووان ئه‌و وه‌رپرس ئه‌مرييكه‌و ك نه‌تواسگه‌ ناوى ئاشكرا بكا، وت: لێكچگنيگ هه‌س له‌ناونى بارودوخ حكومه‌ت لوبنانى و باوردوخ حكومه‌ت عراقى، وه‌ل ئه‌وه‌يشا چينيگ له‌ ملله‌ت عراقى پشتگيرى حكومه‌ت ئه‌كه‌ن و چينيگيش ناڕازى و ئيمه‌يش لايه‌نگرى خوه‌ينيشانده‌ره‌يل و مافه‌يليان ئه‌كه‌يم وه‌ خوه‌ينيشانداين ئاشتيانه‌، حكومه‌ته‌يل يه‌ك له‌شوون يه‌ك عراقيش پڕ له‌ گه‌نده‌ڵى بوينه‌و ئيمه‌يش چه‌وه‌ڕێ دامه‌زرانن حكومه‌ت تازه‌ و په‌سه‌نكرياێ له‌ ئه‌نجومه‌ن نوێنه‌ره‌يله‌و ئه‌كه‌يم، وه‌لێ هه‌وه‌جه‌ وه‌ شه‌رعيه‌ت له‌ ملله‌ته‌و ديرێد.

 

ئه‌و وه‌رپرسه‌ هه‌ميش وت: تێبينى ئه‌وه‌ كرديمنه‌ شماره‌يگ فريه‌ له‌ خوه‌ينيشانده‌ره‌يل ته‌نيا نه‌ك هه‌ر داواى خزمه‌تگوزايه‌يل و خاسسازى و له‌ناوبردن گه‌نده‌ڵى، به‌ڵكوو داواى دويره‌وخستن نفوز ئيرانييش ئه‌كه‌ن جوور ئه‌وه‌گ قاسم سلێمانى ك له‌ عراق بوى و بڕيار له‌باره‌ى ئه‌وه‌ دياد ك بدێده‌ سه‌رۆك وه‌زيره‌يل ئاينده‌، يه‌يش له‌وه‌ختيگ شماره‌ى فريه‌يگ له‌ عراقيه‌يل ئى ده‌خاڵه‌تكاريه‌ ره‌ته‌و ئه‌كه‌ن و داواى سه‌روه‌رى ئه‌كه‌ن و ناخوازن ده‌وران وه‌ مه‌يل ئيران بدێ و ناخوازن ئه‌و بڕياره‌يله‌ ك تايبه‌ته‌ وه‌ ژيانيان له‌ ته‌هرانه‌و ده‌ربچێ له‌جياى به‌غدا، هه‌ر وه‌و خاتريشه‌ ئه‌و وه‌رپرسه‌ په‌ياميگ ئاراسته‌ى ته‌هران كرد و وت: بايه‌سه‌ ئيران ئه‌وه‌ هه‌ڵوژنێد يا بدێده‌ ده‌وڵه‌تيگ هاوسا يا ده‌وڵه‌تيگ ده‌خاڵه‌تكار و زاڵبوێ له‌بان عراق.

related

عه‌لاوى داواى ئاماده‌كارى ئه‌كا ئه‌را پيشوازيكردن له‌ ئاواره‌يل و پشتگيريكردن له‌ هه‌رێم كوردستان

Date: 2019-10-11 15:30:29
عه‌لاوى داواى ئاماده‌كارى ئه‌كا ئه‌را پيشوازيكردن له‌ ئاواره‌يل و پشتگيريكردن له‌ هه‌رێم كوردستان

عه‌بدولمه‌هدى په‌يوه‌ندى كرده‌ عه‌لاوى و ريككه‌فتن له‌بان مه‌سه‌له‌يگ

Date: 2020-02-01 20:25:52
عه‌بدولمه‌هدى په‌يوه‌ندى كرده‌ عه‌لاوى و ريككه‌فتن له‌بان مه‌سه‌له‌يگ

عه‌لاوى حكومه‌ت وه‌ سزانن خه‌يمه‌ى خوه‌ينيشانده‌ره‌يل تومه‌تبار ئه‌كا

Date: 2020-02-05 19:45:19
عه‌لاوى حكومه‌ت وه‌ سزانن خه‌يمه‌ى خوه‌ينيشانده‌ره‌يل تومه‌تبار ئه‌كا

وشدارى له‌ مه‌سه‌له‌يگ دريا عه‌لاوى: سه‌يد عراق له‌لێد ئه‌كاده‌ دوزه‌خ و وه‌ 3 رووژ ئه‌خاده‌د

Date: 2020-02-09 19:31:38
وشدارى له‌ مه‌سه‌له‌يگ دريا عه‌لاوى: سه‌يد عراق له‌لێد ئه‌كاده‌ دوزه‌خ و وه‌ 3 رووژ ئه‌خاده‌د

ئه‌بو مازن‌ ئه‌را عه‌لاوى: چه‌وديرى جموجويلد ئه‌كه‌يم

Date: 2020-02-10 18:45:21
ئه‌بو مازن‌ ئه‌را عه‌لاوى: چه‌وديرى جموجويلد ئه‌كه‌يم

په‌مپيۆ باس له‌ په‌يوه‌نديه‌ ته‌له‌فۆنيه‌گه‌ى وه‌ل عه‌لاوى ئه‌كا

Date: 2020-02-24 09:23:24
په‌مپيۆ باس له‌ په‌يوه‌نديه‌ ته‌له‌فۆنيه‌گه‌ى وه‌ل عه‌لاوى ئه‌كا

كه‌سيگ نزيك له‌ حه‌لبوسى ئاشكراكردنيگ دا له‌باره‌ى ريككه‌فتنى وه‌ل عه‌لاوى

Date: 2020-02-29 20:57:22
كه‌سيگ نزيك له‌ حه‌لبوسى ئاشكراكردنيگ دا له‌باره‌ى ريككه‌فتنى وه‌ل عه‌لاوى