پویچەوکردن فرووشتن " مناڵ شیرخوەرەیگ" و هەڵوەشانن تووڕیگ بازرگانی وە ئایەم و دەسگیرکردن تیرۆرستیگ لە بەغدا
2023-07-17T09:27:41+00:00
شەفەق نیوز/ ئاژانس هەواڵگێری عراق، ئمڕوو دووشەممە، خەوەردا تووڕیگ بازرگانیکردن وە ئایەم هەڵوەشاننە و تەگبیر فرووشتن مناڵ شیرخوەریگ وە 25 ملیۆن پویچەوکردنە وەگەرد دەسگیردن ژنەیلیگ ئەرا فرووشتن ئامادە کریایون.
مەفرەزەیل ئاژانس هەواڵگیری، وەپای بەیاننامەیگ رەسیە ئاژانس شەفەق نیوز وت؛ توەنستنە تووڕیگ بازرگانیکردن وەئایەم هەڵبوەشنن و پرۆسەیگ فروشتن مناڵ شیرەخوەرەیگ 9 مانگ پویچەوبکەێد، وە پشت بەسین وە زانیاری هویردەیل هەواڵگێری.
لە بەیاننامەگە ئاشکەراکرد، " کوڵەی قایمیگ ئەرا تووڕەگە دانریاگە، وە ئەو تاوانە دەسگیرکریانە، ک دوو ژن تەقەلای فرووشتن مناڵیگ داوین، دانوەپینان لەلیان وەرگیریاس ئەرا لایەن تایبەت کلکریانە تا سزای دادپەروەرانە وەربگرن".
هەمیش، وەڕیەوبەرایەتی هەواڵگێری و دژە تیرۆر بەغدا/کەرخ تیرۆرستیگ دەسگیرکردن لە دویای دان کوڵەی قایمیگ و چەودێریکردن جویلەیلی لە باشوور پایتەخت.
وەپای بەیاننامەگە، دەسکریاس وە رێکاریل یاسایی پێویست وەرانوەر وە تیرۆرستەگە ئەرا تەواوکردن پەراو لێکۆڵینەوە.
