وێنە.. وساننیگ ناڕەزایەتی لەلایەن خاوەن چەمبەرەگان لە کەرکوک
2021-01-14T09:07:23+00:00
شەفەق نیوز/ دەیان لە خاوەن چەمبەرەگان و ده‌ستفروشه‌یل لە کەرکوک، ئمڕوو پەنجشەممە، وساننیگ ناڕەزایەتی رێکخستن ئەرا وسانن ئەو هەڵمەتەیلە ک دەسەڵاتە خۆجێیەگان ك هه‌ر لەماوەێ جاریگ ئەرا قەیەغەکردنیان لە کار کەنەی.
پەیامنێر ئاژانس شەفەق نیوز وت: دەیان لە خاوەن چەمبەرەگان و ده‌ستفروشه‌یل لە ناوچەی سەر پوڵەگە لەناوڕاس کەرکوک، ئمڕوو، وساننیگ ناڕەزایەتی رێکخستن و داوا لە قایمقام کردن واز بارێد لە شکانن چەمبەرەگانیان ک نان خوەیان لەبانیان دەرکەن.
خۆپیشاندەرەگان داوا لە وەڕێۆبەرایەتی خۆجێی کردن دەسوەردان بكا ئەرا وسانن ئی رەفتارەیلە ، ک هیلن ئاست بیکاری لەناو گەنجەگان بەرزەو بوود.
وەرانوەر ئەوە، ئی پێشێلکاریەیلە لە گووشه‌وکنار ریەگان وەرەو بازاڕ گەورای کەرکوک، ک فرە فراوانەوە بوی، بوینە هووکار تەنگەوکردن ریەگان هاتن و چگن، و ریگری لە جوولەی ماشینەگان و مەردمەگە كه‌ن.
