وینەیگ لە میسان یەک دویەت مناڵ کوشێد و ئەوەکە زەخمدار کەێد

شەفەق نیوز/ سەرچەوەیگ پزشکی لە میسان، ئمڕوو چوارشەممە، خەوەردا لە کوشیان مناڵیگ و زەخمداری دویەتیگ هاوڕیی، لە دەورگرد ناوەند پارێزگاگە.

سەرچەوەگە ئەرا ئاژانس شەفەق نیوز وت: دویەتیگ لە مەکتەوەیگ سەرەتایی مەوقەی گلەوخواردنی ئەرا ماڵ وەگەرد هاوڕیەگەی لەناوچەی (ئەلف دار) لە دەورگرد شار عمارە، دویای ئەوە ک وینەیگ لەقەی پایەیگ کارەبا گردیە، وە تەزیان کارەبا گیانی لەدەسدایە.

سەرچەوەگە دیاری کرد ک هەردوگ دویەتەگە هەنای ئەو وینە وەدەس گردنە، یەکیگیان گیانی لەدەسدایە، و ئەوەکە زەخمداری سەختیگ بویە.