وێنە.. عراقییگ دویای چەسپانن باجیگ بویلی لەبانی خوەی ئاگر دەێد

شەفەق نیوز/سەرچەوەیگ لە پۆلیس، ئمڕوو جمعە، خەوەردا ک کابرایگ لەناو ماشینەگەی خوەی ئاگر خوەی دا، دویای چەسپانن باجیگ پویلی لەبانی، لەوەر پێشێلکردن ریکارەیل قەیەغەی هاتووچگنە گشتگیرەگە لە پارێزگای کەرکوک.

سەرچەوەگە ئەرا ئاژانس شەفەق نیوز وت؛ پۆلیس هاتووچو کەرکوک، نیمەڕو ئمڕوو، رانندەی تەکسییگ وسان ک وەدەرچگنی ئەرا جادەگە قەیەغەی هاتووچگنەگە شکانگە، و باج ٢٠٠ هەزار دیناری خستە بانی.

وەگورەی سەرچەوەگە، دوو پای دەسکرتی رانندەگە سوزیان، و دەرکەفت ک خوەی کەم ئەندامە، و ئەرا خەسەخانە بریا، و ئیسە هالە ژیر چەودیری وورد.

هەرلیوا، سەرچەوەگە باس ووردەکاریەیلیگ زیاتر نەکرد.

ئی وێنەیلە ک کامیرای ئاژانس شەفەق نیوز تۆماریان کرد، نشان ئەو زەرەدەیلە دەن ک لە ئاگرەگە رەسیە ماشینەگە.