وینە.. رزگارکردن ژن ومناڵەیکیگ لە ئاگریگ لە بەغداد
2022-05-24T11:32:55+00:00
شەفەق نیوز/ تیمەیل وەرگری شارستانی، ئمڕوو سێشەممە، توەنستن ژن ومناڵەیکیگ رزگار بکەن ک ئاگر ماڵیان لەیەکیگ لە ناوچەیل بەغدای پایتەخت سزان.
سەرچەوەیگ ئەمنی ئەرا ئاژانس شەفەق نیوز وت: تیمەیل وەرگری شارستانی بەغداد رەسافە توەنستن کەسەیلیگ لەناو بینایگ نیشتەجیبوین لە ناوچەی شەعب باکوور بەغدای پایتەخت رزگار بکەن، و ئاگرەگە وە وەختیگ پەیمانەیی کپەو کردن، نوای بڵاوبوینی وەبی زەرەدیگ گیانی گردن.
سەرچەوەگە وت: رویداوەگە لەوەر سزیان بۆرد کارەبای سەرەکی بیناگە بویە، وتیش: کەسەیل ناو بیناگە رزگار کریان ک ژن و مناڵ لەناویان بوی.
