وێنە.. دەسگیرکردن خیزانیگ داعشی لە نەینەوا

شەفەق نيوز/ وەڕیەوبەرایەتی هەواڵگری سەربازی لە وەزارەت وەرگری، ئمڕوو شەممە، راگەیان دەسگیرکردن خیزانیگ داعشی لە خوەرئاوای پارێزگای نەینەوا لە مەوقەی رەدبۊنیان لە سنوور سوريا.        

وەڕیەوبەرایەتیەگە لە بەیاننامەیگ وت: لە بنەمای زانیارییەیل فیرقەی ١٥ ، ک دووپات لە جۊلەی چەن کەسیگ لە نزیک سنوور سوریا، و وەپەنابردن وە کامیرایل گەرمی ک نشان تەقەلای رەدبۊن لە سنوورەکە وەرەو ئاوای نەعیم لە ناحیەی رەبیعە دان.    

وەگورەی بەیاننامەگە،  مەفرەزەیل هەواڵگری سەربازی وە هاوکاری هێزیگ پیادە لە فەوج ٧١ ، کوڵەی لە ئاوایەگە لەلیان گریا، و لە مەوقەی رەدبۊنیان لە سنوورەگە دەسگیر کریان.

بەیاننامەگە وتیش؛ دەرکەفت ک خوەیان خیزانیگ عراقی بۊین لە ئەندامەیل داعش و ٧ کەس بۊین، و دریانە دەس لایەنە پەیوەندیدارەیلە