وێنە.. دەرکردن تەرم گەنجیگ لە دیجلەی کوت
2021-05-15T06:58:56+00:00
شەفەق نیوز/ پۆلیس پارێزگای واسیت، ئمڕوو شەممە، راگەیان مەلەوانەیل پۆلیس تەرم گەنجیگ خنکیاگ لەناو چەم دیجلە لە شار کوت لە پارێزگای واسیت دەرکردن.
پۆلیسەگە لە بەیاننامەیگ ئمڕوو وت: مەلەوانەیل بەش پۆلیس فریاکەفتن ئاوی لە فەرماندەی پۆلیس پارێزگای واسیت، توێنست تەرم گەنجیگ خنکیاگ لەناو چەم دیجلە لە شار کوت درارێد، دویای مینەکردن ئەرا زیاتر لە ساعەتیگ.
وەگورەی بەیاننامەگە، تەرمەگە دریا دەس ناوەند تایبەت ئەرا ئەنجامدان ریکارە یاساییەکان.
