وێنە.. خۆپیشاندانیگ لە باشوور عراق داوای وەسێدارەدان تیرۆرستەگان کەێد
2021-01-26T14:22:02+00:00
شەفەق نیوز/ ژمارەیگ لە خەڵک شار ناسریە، ئمڕوو سێشەممە، دەرچگنە خۆپیشاندانیگ ئەرا پشتگیری لە جیوەجیکردن سزای وەسێدارەدان دژوە تاونکارەیل تیرۆری لەوانەگ هانە ناو زیندان حووت.
پەیامنێر ئاژانس شەفەق نیوز وت: ژمارەیگ لە خەڵک شار ناسریە دەرچگنە خۆپیشاندانیگ لە دوڕیان مەنسووریە لەو ریە ک وەرەو زیندان حووت چوود، ئەرا داواکردن لە وەسێدارەدان تیرۆرستەگان ک فەرمان وەسێدارەدانیان دەرچگە.
وتیش؛ خۆپیشاندەرەگان هەڕەشەی وەردەوامبوین لە خۆپیشاندانەگان کردن، ئەگەر داواکارییان جیوەجی نەکریەێد.
