وێنە.. بکوش وەڕیەوبەر شارەوانی کەربەلا تیەێدە وەردەم کازمی
2021-08-11T07:30:14+00:00
شەفەق نیوز/ وێنەیلیگ کەفتنە دەس ئاژانس شەفەق نیوز، نشان بکوش وەڕیەوبەر شارەوانی کەربەلا وەدەس بەسیاگ دان خالە وەردەم موستەفا کازمی سەرۆک وەزیرەیل.
شەوەکی ئمڕوو، کازمی رەسیە پارێزگای کەربەلا، ئەوەیش دویای کەمتر لە ٢٤ ساعەت لە کوشتن ئەندازیار عەبیر سەلیم وەدەس یەکیگ لە پێشێلکارەیل لەبان زەویەیل گشتی.
کازمی دەسکردە هەڵمەتیگ ئەرا لاوردن پێشێلکاریەیلە لە گشت عراق وەناونشان (هەڵمەت عەبیر پاڵەوان ).
لەلای خوەییش عوسمان غانمی وەزیر ناوخۆ فەرمان داگە لايەنە پەیوەندیدارەیل وە دەسگیرکردن ئەو پۆلیسەیلە ک وەیاوەری وەڕیەوبەر شارەوانی کەربەلا بوین، دویای ئەوە ک کەفتە وەر تەقەکردن لەمەوقەی جیوەجیکردن ئەرکەگەی لە ناوچەی مەعمەلچی لە پارێزگای کەربەلا ک بویە هووکار مردنی.
