وە ماوەی چەن ساعەتیگ.. عراق کەفێدە وەر شەپۆلیگ ئەفریقایی

شەفەق نیوز/ بەش کەشناسی عراقی، ڕاپۆرت کەشوهەوای ئمڕوو و سوو دەرکرد، ک باس زووریگ کەشوهەوای لە باکوور ئەفریقا کەێد، ک پارچەی هەوای گەرمیگ کل کەێد.  

راپۆرتەگە لە بەیاننامیگ رەسیە ئاژانس شەفەق نیوز وت: شەپۆلەگە نیمەڕو ئمڕوو، لە ناوچەیل باشوور،  جۊر ناسریە، نەجەف، سەماوە، دەسوەپی کەێد.   

وتیش: ناوچەیل ناوڕاس و باکوور ئیوارەی ئمڕوو  خوەڵوتوز لەناویان دروس بوون، لە بەشەیل خوەرئاواییان دەسوەپی کەێد جۊر شارەیل (مووسڵ، رەمادی، تکریت)، ئیجا خوەڵوتوز رەسێدە گشت ناوچەیل ناوڕاس،  ک بەغداد و بەشیگ لە ناوچەیل باکوور گرێدەو.    

راپۆرتەگە دیاری کرد ک کاریگەری ئی شەپۆلە تا رووژ پەنجشەممە وەردەوام بوود،  ک وەپلەپلە ئەرا شەو خاسەو بوود،  وەگەرد داوەزین پلەی گەرمی.