وەماوەی ٢٤ سەعات.. هیزگردن ٧٨ ئاگر لە عراق و نزەکردن گاز کلۆر
![وەماوەی ٢٤ سەعات.. هیزگردن ٧٨ ئاگر لە عراق و نزەکردن گاز کلۆر](https://media.shafaq.com/media/arcella/1664792122647.jpeg)
شەفەق نیوز/ وەڕێەوبەرایەتی وەرگری شارستانی، ئمڕوو دووشەممە، توومارکردن ٧٨ رویداو ئاگر لە عراق راگەیان، وەگەرد توومارکردن رویداویگ نزەکردن گاز کلۆر.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز: شمارەی رویداوەیل ئاگر لە دویاترین ٢٤ سەعات رەسیە ٧٨ رویداو ئاگر، و شمارەی مردنەیل لەو رویداوەیلە رەسیە یەک مردن، و شمارەی ئەرکەیل رزگارکردن لەو رویداویلە رەسیە یەک ئەرک.
وتیش: تیمەیل وەرگری شارستانی هیمان وەردەوامن لە کارەیل مینەکردن و رزگارکردن گیرهاتگەیل لەژیر رمیاگ بینای تاقیگەی نیشتمانی، ک تەرم پاسەوان بیناگە دراودیا، و دریا دەس پزشک دادوەری.
لە پارێزگای نەینەوا، تیمەیل وەرگری شارستانی ئاگریگ لەناو ماشینیگ مەدەنی لەناو مەیدان قایمقامیەت شێخان کپەو کردن، وەبی توومارکردن زەخمداری.
وتیش: تیمەیل وەرگری شارستانی لە پارێزگای واست توەنستن کۆتایی وە مەترسی رویداو نزەکردن گاز کلۆر لە ویستگەی ئاو ئاوای سەید مالک لە قەزای نوعمانیە هاوردن وەبی توومارکردن زەخمداری.
لە دیالە، تیمەیل وەرگری خەڵاتی ئاگریگ لەناو زەوی گژوگیا و قامیش هشک کپەو کردن ک وە بازیکردن مناڵەیل لە قەزای خاڵس هیز گرد، وەبی توومارکردن زەخمداری.
هەمیش وت: تیمەیل وەرگری شارستانی ئاگریگ لەناو باخەیل دارەخورما لە قەزای عفەچ ناوچەی فەوارە لە پارێزگای دیوانیە کپەو کردن، ک وە بازیکردن مناڵەیل هێز گردیە، و چەن ناوچەیگ کشتوکاڵی و باخەیل شان ئاگرەگە رزگار کردن.
تیمەیل وەرگری شارستانی، هەمیش ئاگریگ لەناو محەولەی کارەبا لە قەزای تکریت گەڕەک زهور کپەو کردن ز وەبی توومارکردن زەخمداری.