وەماوەی ١٢ ساعەت.. دەسگیرکردن باندیگ وەتوومەت رفیان و کوشتن دوو مناڵ لە بەغداد
![وەماوەی ١٢ ساعەت.. دەسگیرکردن باندیگ وەتوومەت رفیان و کوشتن دوو مناڵ لە بەغداد](https://media.shafaq.com/media/arcella/1676537558926.jpg)
2023-02-16T08:52:54+00:00
شەفەق نیوز/ دەزگای ئاسایش نیشتمانی عراق، ئمڕوو پەنجشەممە، دەسگیرکردن باندیگ وەتوومەت رفیان و کوشتن دوو مناڵ لە بەغداد راگەیان.
دەزگاگە لە بەیاننامەیگ رەسیە ئاژانس شەفەق نیوز وت: هیزیگ لە بەغداد توەنست باندیگ سێ کەسی دەسگیر بکەێد، دوو مناڵ رفاننە و کوشتنە، تەمەنیان لە هەفت ساڵان ئەوبان نەویە، ک داوای پویل لە خاوەنیان کردنە.
وتیش: دەسگیرکردن باندەگە دویای وەرگردن مووڵەت دادوەری هات، ک هیزەگە چیە ناو ماڵەیلیان لە ناوچەی حەی ئوور هوەرهەڵات بەغداد پایتەخت، و تەرم دوو مناڵەگە و چەک وەلای توومەتبارەیل پەیا کریا.