وە فەرمی... 120 سەمون یا 90 نان ئەرا هەر عراقییگ لەجیای بەشە ئارد مانگانە
2023-04-17T10:05:22+00:00
شەفەق نیوز/ وەزیر بازرگانی عراق، ئەسیر داود غەریری، ئمڕوو دووشەممە، هویردەکاری نوویگ راگەیان لەباوەت " نان پاڵپشتکریاگ" ک ئاڵشتکردن بەشە ئارد مانگانە وە نان و سەموون ئەرا ئەو خێزانەیلە خوازیارن لەبان کارت بەشەخوەراکیان سەموون و نان هاتیە.
وەپای بەیاننامەیگ ئمڕوو دەرچگە و رەسیە وە ئاژانس شەفەق نیوز، وەزیر جبوری دووپاتکرد، ئاڵشتکردن ئاردەگە خوەی ویستانەس، لەبان لێکۆڵینەوەیگ ک لیژنەیگ تایبەت لە بەشەیل کۆمپانیا ئەنجامدریاگە ئەرا بەرژەندی ئەو خێزانەیلە نان لەماڵ درس نیەکەن و بەشە ئاردەگەیان وە نرخ کەمیگ فروشن.
دیاریکرد، ئی پرۆسەی ئاڵشتکردن ئارد وە نان و سەموونە خوەی ویستانەس لەورانوەر 120 سەموون ئەرا هەرکەسیگ لەمانگیگ یا 90 نان توەنن بەشە نان و سەموون خوەیان رووژانە وەربگرن ک چوار سەموونە لە رووژیگ ئەرا هەر کەسیگ.
