وەفەرمان غانمی.. گردن وەڕێۆبەر پۆلیس ودووان لە ئەفسەرەیلی لە کەرکوک
![وەفەرمان غانمی.. گردن وەڕێۆبەر پۆلیس ودووان لە ئەفسەرەیلی لە کەرکوک](https://media.shafaq.com/media/arcella/1601388780686.jpg)
2020-09-29T14:13:15+00:00
شەفەق نیوز/ سەرچەوەیگ ئەمنی خەوەردا ک هێزیگ سەروە باوەتەیل ناوخۆ، ئمڕوو سێشەممە، وەڕێۆبەر پۆلیس ودووان لە ئەفسەرەیلی لە کەرکوک گردن.
سەرچەوەگە ئەرا ئاژانس شەفەق نیوز وت: هێزیگ سەروە باوەتەیل ناوخۆ عەمید سەمیر تاهر وەڕێۆبەر بەش دژە هووشبەرەگان لە پۆلیس کەرکوک گرد و دووان لە ئەفسەرەگانی.
وتیش: گردن ئەوانە لە بنەمای فەرمانیگ هات لە عوسمان غانمی وەزیر ناوخۆ، لەوەر مەرقەز کردن یەکیگ لە توومەتبارەگان وەبی دەسپیچگیگ یاسایی.
سەرچەوەگە ئاماژەکرد ک هیمان هانە بەندیەنکردن لە پای لێکۆڵینەوە لە رووادوەگە.