ئەو چشتەیلە لە جومعە و شەممەی عراق رۊدەێد

شفق نيوز / پسپۆر کەشناسی عراقی، سادق عەتیە، ئمڕوو جومعە، وت وڵات رۊیوەرۊ واران سووکیگ بوود، وەگەردیا پلەیل گەرمی نێداوەزێد. 

عەتیە لە پۆستیگ لە فەیسبووک باس کرد، " ئمڕوو پیشبینی واران سوکیگ کریەێد  لە شۊنەیل جیاواز لە شارەیل بەسرە و میسان و دیالە و سەلاحەدین وئەنبار و سلێمانی و باشوور نەێنەوا و باشوور هەولێر. 

وتیش" واران مامناوەندیگ بوود لە میسان و سلێمانی"، دیاریکزد،"کەشوهەوای سوو شەممە کەمەکەمە وەرەوخاستر چوود وەگەرد وەردەوام بۊن دەرفەت هەبۊن ئەورەیلە لە کەشوهەوای برێگ شار". 

دیاریکرد،" پسای کەشوهەوا جیگیرە ئەرا ماوەی یەک هەفتە، داوەزین لە پلەیل گەرمی نییە، کەشوهەوایگ بەهاری گەرمە لەماوەی رووژ، و شەویش سەردە".