وەزیر دەرەوەی بەریتانیا سوو هالە بەغداد
2021-06-07T12:00:57+00:00
شەفەق نیوز/ وەزارت دەرەوەی عراق، ئمڕوو دووشەممە، راگەیان ئەوەسا وەزیر دەرەوەی بەریتانی دومینیک راب سوو سێشەممە رەسێدە بەغداد.
ئەحمەد سەحاف قسەکەر وەناو وەزارەت دەرەوەی عراق، لەبەیاننامی کوڵیگ رەسیە ئاژانس شەفەق نیوز وت: سوو سێشەممە، وە سەردانیگ فەرمی رەسێدە بەغداد پایتەخت، و یەک رووژ وەپی چوود.
سەحاف وتیش؛ وەزیر بەریتانی لە چەوپێکەفتنەگەی چەوی کەفێدە بەرهەم ساڵح سەرۆک کۆمار و موستەفا کازمی سەرۆک حکومەت، و محمد حەلبوسی سەرۆک پەرلەمان، و هەمیش وەگەرد فوئاد حسێن وەزیر دەرەوە.
