وەزارەت ناوخوەی ئامار ئۆپراسیۆن مانگ وەرین بەڕەنگاربوینەوەی مادەی هووشبەر راگەیان
2024-03-04T08:56:43+00:00
شەفەق نیوز/ وەزیر ناوخوەی عراق عەبدولئەمیر شمەری، ئمڕوو دووشەممە، ئامار ئەو بڕەیل لە مادەی هووشبەر کە دەس وەبانیانەو گردنە و دەسگیرکردن ئەو کەسەیلە بڵاویکردنە و کیشانەسێ لەماوەی مانگ شوبات راگەیان، کە هێزە ئەمنیەیل لە میسان بازرگانیگ دەسگیرکردنە زیاتر لە 1500کگم لەمادەی کریستال وەپی بویە.
شمەری لە بەیانامەیگ رەسیە ئاژانس شەفەق نیوز وت، لەماوەی مانگ گوزەشتە دەسنریاس وەبان 390 کیلوگرام مادەی هووشبەر و نۆ تەن لە کاریگەری دەروینیەگان و 1431 توومەتبار وە بازرگانیکردن و کیشانی دەسگیرکریانە لەناویانیش بازرگانەیل ناودەوڵەتی هەس کە 16 کەسیان عراقین و شەشیان بیانی.
وتیش، دەسنریاس وەبان 124 پارچە چەک و141 ماشین، دوو لە داواکریاگەیل کوشیانە، لەماوەی ئێ ئۆپراسیۆنەیلە یەک کەس لە هێزە ئەمنیەیل بویەسە قوربانی و سێ کەسیش زەخمداربویە کە دووانیان ئەفسەرن.
لەلایگترەک، هێزە ئەمنیەیل فەوج چوار سەر وە لیوای چوار تیپ جواوداین خێرا لە وەزارەت ناوخوەی، توومەتباریگ بازرگان مادەی هووشبەر دەسگیرکردن لەناوچەی "مودەسەرە" لە پارێزگای میسان و دەسنریایە وەبان 1535 گرام مادەی کریستال.
