وەزارەت دەرەوەی عراق شەرمەزار بمباران کوردستان کەێد و هەڕەشەی ئیران وە بەرزترین هەڵویست دیبلۆماسی دەێد
شەفەق نیوز/ وەزارەت دەرەوەی عراق، ئمڕوو چوارشەممە، شەرمەزار بمباران ئیران لەبان چوار ناوچە لە هەرێم کوردستان کرد، و هەڕەشەی پەنابردن وە بەرزترین هەڵوێست دیبلۆماسی دا، تا جاریگتر ئەوە نەوود.
وەزارەتەگە لە بەیاننامەیگ رەسیە ئاژانس شەفەق نیوز وت: وە تونترین وشەیل شەرمەزار ئامانجکردن تووپ و مووشەکی لەلاین ئیران کەیمن، وەگەرد وەکارهاوردن بیس فڕۆکەی بێفڕۆکەوان مادەیل تەقەمەنی بار کردنە، رەسیە چوار ناوچە لە هەرێم کوردستان، وشمارەیلیگ لە کوشیان و زەخمداری خستن.
وەزارەت دەرەوە، باس ئەوە کرد ک گەشەی رخبەریگە هەڕەشەی ئاسایش و سەروەری عراق دەێد، و مەترسی لەبان ئارامگیرەیل مەدەنی دووقات کەید، و دیاری کرد ک ئی کارەیل چزداین تاکە لایەنە، ئاڵووز سیمای ئاسایش کەێد، و سای خوەی خەێدە بان ناوچەگە، و تەنیا لە ژاوەژاویگ زیاتر دەسمیەتی دەێد.
وەزارەت دەرەوە دیاری کرد ک لە نزیکەو نووڕێدە ئەو بمباران پشتاوپشتە، و دووارەی رەتکردن حکومەت عراق ئەرا هەر نووڕینیگ سەربازی ئەرا نواگردن سەختیەیل ئەمنی کەێد، و دووپات کرد ک ئەوەسا پەنا وە هەر چشتیگ بەێد تا ئی کارە دووارە نەوود، و وە بەرزترین هەڵوێست دیبلۆماسی.
