وەرپرسیگ ئەمنی ئاشکرای هووکار دەسگیرکردن پەیامنێر ئاژانس شەفەق نيوز کەێد
شەفەق نیوز/ عەمید دیار شەوکەت، وەڕیەوبەر پۆلیس خانەقین، ئمڕوو شەممە، ئاشکرای هووکار دەسگیرکردن عەباس محمد ئەرکەوازی پەیامنێر ئاژانس شەفەق نيوز و کەناڵ بەغدادیە لەناو یەکیگ لە بنکەیل دەنگدان تایبەت کرد.
شەوکەت ئەرا ئاژانس شەفەق نیوز وت: راگەیانکار عەباس ئەرکەوازی وە فەرمان دادوەر تا ١٢ی ئی مانگە بەندی کریاگە، لەبنەمای سکاڵایگ لەلایەن دەسەڵاتی ئەمنی باڵا لە بەغداد، وەتوومەت رسواکردن پیاویگ دەسەڵاتدار، لە بنەمای مادەی ٢٢٦ لە یاسای سزادان عراق.
وتیش: بڕیار دەسگیرکردنەگە دادوەریە و لە بەرزترین دەسەڵات لە دەوڵەت عراقی دەرچگە، و دەزگا ئەمنیەیلە خوەیان لایەن جیوەجیکردن ئەو بڕیارە هەن.
هەرلیوا، چالاکوانەیل و راگەیانکارەیل و وەرپرسەیلیگ خۆجێیی، هەڵمەتەیل فرزوانیگ لەبان ماڵپەڕەیل پەیوەندییە کۆمەڵایەتییەکان کردن ئەرا داوای مەرەقەزکردن عەباس ئەرکەوازی.
جی باسە ک ئەرکەوازی لە وەخت راگەیانن دەنگدان تایبەت لەناو یەکیگ لە بنکەیل دەنگدان تایبەت لە خانەقین، رەخنەی میکانزم دەنگدانەگە کرد و داوا کرد ئەرکیگ ئاشکرا بیریەێدە راگەیانن، تا بتۊنێد شیوەی دەنگدانەگە بخەێدە وەرچەو هاووڵاتییەگە ک وەی شیوە پاڵپشتی ئەرا هەڵبژاردن و دەسپاکیی بوود.
