وەرپرسیگ لە دیالە: دەربەندیخان رزگار دیالە لە تینگی وفەوتیان باخەیلی کرد
شەفەق نیوز/ سامانەیل ئاوی لە دیالە، ئمڕوو دووشەممە، دووپات لە کۆنتڕۆڵکردنی لەبان قەیران ئاو وەتەواوی لە وەرز تاوسان بانان کرد، دویای پاڵپشتیکردن دەریاچەی حەمرین وە ئاو بەنداو دەربەندیخان، وەگورەی رێککەفتن ناوبەین پارێزگاگە و ئیدارەی گەرمیان وەگەرد پلان وپڕۆژەیل بیر کەنین لە گشت پارێزگاگە.
موهەنەد عەلی مەعموری وەڕیەوبەر سامانەیل ئاو دیالە ئەرا ئاژانس شەفەق نیوز وت: تەکانەیل ئاو لە بەنداو دەربەندیخان وەگورەی رێککەفتن ناوبەین دیالە و ئیدارەی گەرمیان بویە هووکار لە بەرزەوبوین ئاست دەریاچەی حەمرین ئەرا زیاتر لە یەک مەتر، ک سامەیلیگ رزگارکەر لە ئاو ئەرا فرەی کەرتەیل ئیداری ئەنجام دا.
و دیاری کرد ک ئەو تەکان ئاوەیلە لە دەربەندیخان وپاڵپشتیکردن چەمەیل دیالە وخرێسان لە پڕۆژەی خوار خاڵس، دەسمیەتی لە دابینکردن ئاو نووشین وئاویاری دا، وباخەیل لە هشکەوبوین وفەوتیان رزگار کرد، ئەوەیش وەشان پلانەیل بیر کەنین لە گشت پارێزگاگە.
