وەگەرد وەردەوەردەی سیاسی نرخ دۆلار لە بەغداد بەرزەو بوود
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت، وەگەرد ژاوەژاو ئەمنی، دویای داوەزینیگ لەماوەی ئی هەفتە و هەفتەی گوزەشتە، ئمڕوو بەرزەو بوی.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد، لە ساعەت ٣ نیمەڕو ئمڕوو، رەسیە ١٤٨١٤٠ دینار عراقی وەرانوەر ١٠٠ دۆلار ئەمریکی.
شەوەکی ئمڕوو نرخ ١٠٠ دۆلار ئەمریکی رەسیە ١٤٧٩٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.
وەرجەیە، ئمڕوو سێشەممە، دەسەڵات دادوەری عراق، بڕیار وسیان کەرەیلی لە وڵاتەگە دا، ئەوەیش دویای مانگگردن رەوت سەدر لە وەردەم ئەنجومەن دادوەری باڵا وەداوای پویچەڵکردن ئەنجومەن نوینەرەیل عراق.
