وەردەوامی لە داوەزین تووشهاتنەگان ومردنەگان وە کۆڕۆنا لە عراق
![وەردەوامی لە داوەزین تووشهاتنەگان ومردنەگان وە کۆڕۆنا لە عراق](https://media.shafaq.com/media/arcella/1606224639812.jpg)
2020-11-24T13:31:02+00:00
شەفەق نیوز/ هەڵوێست رووژانەی پەتاگە لە وەزارت تەندروسی وژینگەی عراق، ئمڕوو سێشەممە، ئاشکرای وەردەوامی لە داوەزین تووشهاتنەگان و مردنەگان وە ڤایڕۆس کۆڕۆنا لە وڵاتەگە کرد.
هەڵوێستەگە نیشاندا ک ژمارەی تووشهاتتەگان وەڤایڕۆسەگە رەسیە ٢٢٩٢، و ژمارەی خاسەوبویەگان بویە ٢١٣٠، و مردنەگان ٣٥ بوین.
وەگورەی وەزارەتەگە، ژمارەی گشت خاسەوبویەگان رەسیە ٤٦٩٧٨٤، وەڕێژەی ٨٧٪ ، و ژمارەی گشت تووشهاتنەگان بویە ٥٣٩٧٤٩، و ژمارەی تووشهاتنەگان لە چارەسەری ٥٧٩٣٤، و ژمارەی تووشهاتنەگان لە ژیر چەودیری وورد ٣٦٥، و ژمارەی گشت مردنەگان رەسیە ١٢٠٣١.