وەردەوامی بەرزەوبوین نرخ دۆلار لە بەغداد و هەولێر
2023-09-06T12:09:16+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، وەردەوام بوی لە بەرزەبوین.
پەیامنێر ئاژانس شەفەق نیوز وت: لە ساعەت یەک نیمەڕو، نرخ دۆلار لە بۆرسەی سەرەکی کیفاح و حارسیە رەسیە ١٥٤٠٠٠ دینار عراقی وەرانوەر ١٠٠ دۆلار ئەمریکی.
شەوەکی ئمڕوو، نرخ ١٠٠ دۆلار ئەمریکی رەسیە ١٥٣٦٠٠ دینار عراقی.
پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٦٠٠٠ دینار عراقی، و نرخ سەنینی رەسیە ١٥٣٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٤٨٠٠ دینار عراقی، و نرخ سەنینی رەسیە ١٥٤٧٠٠ دینار عراقی.
