وەردەوامی بەرزەوبوین نرخ دۆلار لە بەغداد و هەولێر
2023-07-22T07:59:06+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، لە بازاڕەیل بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی کیفاح و حارسیە لە بەغداد پایتەخت، رەسیە ١٥١٠٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٤٩٠٠٠ دینار عراقی.
نرخ دۆلار لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٥٢٠٠٠ دینار عراقی، و نرخ سەنینی رەسیە ١٥٠٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەو بوی، ک نرخ ١٠٠ دۆلار ئەمریکی رەسیە ١٥١٤٠٠ دینار عراقی، و نرخ سەنینی رەسیە ١٥١٠٠٠ دینار عراقی.
