کپەوکردن دوو ئەمار و رزگارکردن سێیەم لە بەغداد

شەفەق نیوز/ وەڕێەوبەرایەتی وەرگری شارستانی، ئمڕوو دووشەممە، راگەیان کپەوکردن ئاگریگ لەناو دوو ئەمار بازرگانی هەڵسیا، و رزگارکردن سێیەمیان لە رەسین ئاگرەگە، ئەوەیش لەلای کەرخ لە بەغدای پایتەخت.   

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: تیمەیلی ئاگریگ لەناو دوو ئەمار بازرگانی وە چینکو دروس کریانە کپەو کردن، ک ئەرا ئەمارکردن و بازرگانی وە پەڕوو پەردە وەکار هاتنە، و هەمیش ئەمار سێیەم شانی رزگار کردن، وەرجەیە ئاگرەگە وەپی بڕەسێد، ئەوەیش لە جادەی دەباش پەناوچەی حوریە.   

بەیاننامەگە وتیش: وەڕیەوبەرایەتی وەرگری شارستانی تیمەیلیگ زیاتر وەرەو ناوچەیل شان ئاگرەگە تەکان دا، تا زۊتر ئاگرەگە کپەو بکەن، و زەرەردەیل دارایی کەمەو بکەن، ٢ ئەرکەیل خوەیان وەبی زەخمداری وەجی هاوردن.