کپەوکردن ئاگر لە سێ پارێزگای عراق.. وینە
شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، کپەوکردن ٣ ئاگر لە پارێزگایل کەرکوک و کەربەلا و سەڵاحەدین راگەیان، یەکیگیان رەسیە ١٥ دۆنەم لە خەلەی گەنم. وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: مەفرەزەیلی لە بنکەی ئاڵتون کوپری لە پارێزگای کەرکوک ئاگریگ لەناو زەوی کشتوکاڵی درەوکریای کپەو کردن وە رووبەر ١٥ دۆنم، ونەیشتن فراوانەو بوود.
وتیش: ٣٠ دۆنم گەنم لە زەویەیل شانی لە ئاگرەگە رزگار کریا وەبی زەردیگ گیانی.
لە بەیاننامیگتر، وەڕێەوبەرایەتیەگە وت: مەفرەزەیلی لە هیندیەی کەربەلا دویەتیگ رزگار کردن نزیکبوی ئاگرەگە وەپی بڕەسێد، وئاگر لەناو ماڵیگ لە ناوچەی نەهر سەلام لە قەزای هیندیە کپەو کردن ک وە شۆرتیگ کارەبایی بڵویزە کردیە، وتوەنستن دویەتەگە لەناو ماڵەگە درارن وئاگرەگە کپەو بکەن.
وتیش: مەفرەزەیلی لە بنکەی خورماتوو لە پارێزگای سەڵاحەدین ئاگریگ لەناو ماڵیگ لە گەڕەک جەمهوریە لە قەزای خورماتوو کپەو کردن، نەیشتن ئاگرەگە فراوانەو بوود، وەکەمترین زەرەد دارایی وەبی زەرەدیگ گیانی.
