کپەوکردن ئاگر بینایگ بازرگانی لەجادەی نەهر بەغداد
2022-03-23T10:32:55+00:00
شەفەق نیوز/ وەڕێەوبەرایەتی وەرگری شارستانی، ئمڕوو چوارشەممە، خەوەردا لە کپەوکردن ئاگریگ لەناو بینایگ بازرگانی لەناوڕاس بەغداد پایتەخت.
سەرچەوەیگ لە وەڕێەوبەرایەتیەگە ئەرا ئاژانس شەفەق نیوز وت: رۊداو ئاگریگ لەناو بینایگ بازرگانی لە قات خوارین لەناو نۊسینگەی بازرگانی موەلیدەیل دیزک لەناوچەی جادەی نەهر ناوڕاس بەغداد بۊەو.
سەرچەوەگە وتیش: ئاگرەگە کپەو کریا و سێ موەلیدە وەگەرد ١٠٠٠٠ کەتر گاز قورتار کریا.
