وە ئۆپراسیۆن هاوبەشیگ هێزەیل عراق و پێشمەرگە ٢٧ تیرۆرست کوشن
شەفەق نیوز/ یەحیا رەسول لیوای هێزە تایبەتەکان قسەکەر وەناو فەرماندەی گشتی هێزە چەکدارەکان، ئمڕوو چوارشەممە، راگەیان کوشتن ٢٧ ئەندام لەلای کەمەو لە ریخریاگ داعش وە ئۆپراسیۆن "الأسد المتأهب" سەربازی هاوبەش لەناوبەین هێزە چەکدارەکان عراق وهێزەیل پێشمەرگە لە زنجیرەی کوێەیل مەخموور لە باشوور خوەرهەڵات شار مووسڵ پایتەخت ناوخۆیی پارێزگای نەینەوا.
رەسول لە بەیاننامەیگ رەسیە ئاژانس شەفەق نیوز وت: ئی ئۆپراسیۆنە رەفتاربگ تەکنیکی پێشکەفتگ وەخوەی دی، وە بڵاوکردن مەفرەزیل قەناسەیل لە دویرییگ لە دەروازەیل و دەرچگەیل ئەشکەفت و حەشارگەیل لە ناوچە بەرزەکان لە کوێەیل مەخموور، ک ماشینەیل سەربازی توانای رەسینیان ئەرا ئەو شوونەیلە نییە، ک هیشت جیماگەیل داعش خوەیان لەناویان بشارنەو.
وەگورەی بەیاننامەگە، هێز ئاسمانی عراقی و فڕۆکەی سوپای عراقی و هاوپەیمان ناودەوڵەتی هاوبەش بوین لە پاڵپشتی پیاوەیل دژە تیرۆر لە وەشانن ٣١٢ گورز ئاسمانی، ک دەور گرنگیگ لە ویرانکردن ١٢٠ ئەشکەفت و شوون داشت، ک بویە هووکار کوشتن و واینیان دویای ئەوە ک رمیانە بانیان، ئیجا کەفتنە وەر ئاگر حەق لە قەناسەیل دەزگای دژە تیرۆر، ک هیشت چەتەیل داعش خوەیان بیەنە دەس پیاوە ئازایلمان.
هەمیش ئاماژە کرد ک ئۆپراسیۆنەگە تا ١٤ رووژ وەردەوام بوی، ٢٧ تیرۆرست لە داعش وەشیوەیگ راستەخۆ لەناوی کوشیا، و دەرفەت زانستن ژمارەی ئەو کوشیاگەیلە ک تەرمیەیلیان لەژیر سەنگەیل کوێەکان کەفتن نەوی، و ئاماژە کرد ک ئۆپراسیۆنەگە هەماهەنگی گەورایگ لەناونی دەزگای دژە تیرۆر و هێزە عراقیەکان و پێشمەرگە وەخوەی دی.
