وە ئۆپراسیۆنیگ ناکاوی.. دەسگیرکردن سێیان لە سەرکردەیل داعش لە بەغداد
شەفەق نیوز/ ئاژانس هەواڵگێری و لێکۆڵینەوەی فیدراڵی لە وەزارەت ناوەخۆ، ئمڕوو یەکشەممە، دەسگیرکردن سەرکردەیلیگ لە ریخریاگ داعش وە ئۆپراسیۆنیگ ئەمنی لە بەغداد پایتەخت راگەیان.
هەواڵگیری فیدراڵی لە بەیاننامیگ رەسیە ئاژانس شەفەق نیوز وت: وە تەقەلای هەواڵگیری جیاوازیگ و چەودیریکردنیگ تا چەن رووژیگ وەردەوام بوی، ئاژانسەگە توەنست سێیان لە تیرۆریستەیل ناودیار لەناو رزەیل ریخریاگ داعش تیرۆریست دەسگیر بکەێد.
بەیاننامەگە ئاشکرا کرد ک ئەوانەگ دەسگیر کریانە هەرلە: (ئەبو شەهەد و ئەبو سارە و ئەبو یەعقوب) بوین ک وەگورەی مادەی ٤ تیرۆر داوا کریانە، و کار لە کەرت فورات و بەرەکە لە پارێزگای بەغداد کردنە.
بەیاننامەگە وتیش: لە لێکۆڵینەوەیل سەرەکی دان وە جیوەجیکردن کارەیل تیرۆری لە پارێزگای ئەنبار دان، و سەرپەرشتیاری بڕیگ لە چەتەیل تیرۆریستی کردنە و بەشداری لە چەن کاریگ تیرۆری دژوە هیزە ئەمنییەیلە و هاووڵاتیەیل کردنە وەرجە ودویای رزگارکردن ناوچەیل لە داعش، و هەمیش لە کارەیل تیرۆری لە پارێزگای ریقەی سوریا بەشدار بوینە.
