وەدەس زاواگەی کوشیایە...پەیاکردن تەرم ژنیگ لە دیالە
شەفەق نیوز/ وەرپرسیگ ناوخوەیی لە دیالە، ئمڕوو چوارشەممە، خەوەردا لە پەیاکردن تەرم ژن کوشیاییگ لەناو ماڵەگەی لە دەوروگەرد ناحیەی سەعدیە باکور خوەرهەڵات بەعقوبە.
وەڕیوبەر ناحیەی سەعدیە ئەحمەد زەرگووش وە ئاژانس شەفەق نیوز وت، دەزگایەیل ئەمنی تەرم ژنیگ 65 ساڵان وە کوشیایی لەناو ماڵەگەی پەیاکردنە لەناوچەی حەمرین سەر وە ناحیەیەگە وە دویری 65کم باکوور خوەرهەڵات بەعقوبە.
دووپاتکرد، قوربانیەگە وەدەس زاواگەی کوشیایە و هووکارەگەی نادیارە، دیاریکرد، لەدویای چەن ساعەتیگ لە رویداوەگە تاوانبارەگە دەسگیرکریایە.
هەمیش سەرچەوەیگ ئەمنی لە گەرمیان خەوەردا، لە کوشیان مەدەنیگ لە قەزای کەلار سەر وە ناوچەی گەرمیان لە هەرێم کوردستان.
سەرچەوەگە وە ئاژانس شەفەق نیوز وت، کەسەیل ناناسریایگ وەبان ماتۆرسکێل تەقە لە هاوڵاتیگ وە ناو دادو سلێمان کردنە ک لە داڵگبووی 1991ە، ک وەرد دووسەگەی نزیک قەڵای شیروانە بویە لە دەوروگەرد قەزای کەڵار و دەسوەجی گیان لە دەسدایە.
وتیش، هێزەیل ئەمنی لە شوین رویداوەگە ئامادە بوین و لێکۆلینەوە لە رویداوەگە وازکردنە و تەرمەگە ئەرا پزیشک دادوەری کلکردنە.
