وە دەسپیچگ "پاکەوکردن شەرەف" پیایگ تەقە لە ژنەگەی و کوڕ مامەی کەێد لە بەغدا
2026-06-24T08:37:57+00:00
شەفەق نیوز ـ بەغدا
سەرچەوەیگ لە پۆلیس عراقی، ئمڕوو چوارشەممە، خەوەردا پیایگ وە چەک تایوەت (دەوانچە) تەقە لە ژنەگەی و کوڕ مامەی کردیە لەناو ماڵیان لە قەزای مەحمودیە باشوور بەغدای پایتەخت.
سەرچەوەگە وە نژانس شەفەق نیوز وت: لە ئەنجام رویداوەگە ژنەگەی و قەومەگەی زەخمداربوین و سەختی، ئەرا چارەسەرکردن کلکریانە خەستەخانە.
وتیش؛ هێزەیل ئەمنی ئاخڵەی شوین رویداوەگە دان، توەنستن تاوانبار دەسگیربکەن ئوشێد وە دەسپیچگ پاکەوکردن شەرەف ئێ کارە کردیە، دیاریکرد دەسوەسەر کریاس چەوەڕێکرێد رێکار یاسایی وەرانوەری بگیرێدەوەر.