وە دەسپیچگ "پاکەوکردن شەرەف" پیاویگ وەگەرد براگەی دویەتەگەی کوشێد لە خوەرهەڵات بەغدا
2024-08-28T09:26:43+00:00
شەفەق نیوز/ سەرچەوەیگ وەرپرس، ئمڕوو سێشەممە، خەوەردا لە کوشیان ژنیگ وەدەس باوگی وە هاوبەشی وەگەرد براگەی لە خوەرهەڵات بەغدای پایتەخت.
سەرچەوەگە ئەرا ئاژانس شەفەق نیوز ئاشکەرایکرد، باوگیگ دویەتەگەی خوەی کوشتیە کە لەداڵگبوی 1995ە وە هاوبەشی وەگەرد براگەی وە تەقەکردن لەلی لەناو خەو وە چەک جویر "کلاشینکۆف" لەناوچەی کەمالیەی خوەرهەڵات بەغداد.
سەرچەوەگە وت، هێزە ئەمنیەیل توەنستنە دەسگیری بکەن ، وەپای دان وەپینانەگەی وە دەسپیچیگ شوردن شەرەف" ئەوکارە ئەنجامداس.
