وە دەسنیشانکردنیگ ئەرا عراق.. سوپای ئیسرائیل نواگیریکردن دوو فڕۆکەی بێفڕۆکەوان راگەینێد کە لە خوەرهەڵاتەو هاتنە

شەفەق نیوز/ سوپای ئیسرائیل، ئمڕوز شەممە، راگەیان هیز دەریایی ریگری لە فڕۆکەیگ بێفڕۆکەوان  لە دەریای ناوڕاس کردگە، کە لە دیم “خوەرهەڵات”ەو وەشیاس، وەرجە رەسینی ئەرا ناو “کایەی ئاسمان ئیسرائیل”.

 سوپای ئیسرائیل فرەجار دەسنیشان ئەرا ئەو پەلامارەیلە کەێد کە لە "خوەهەڵات"ەو تیەن، ئەرا ئەو لایەنەیلە شیعەیل عراقە کە خوەیان کەنە خاوەنیان.

 سوپای ئیسرائیل، لە بەیاننامەیگ وت: کەشتییگ مووشەکی هیزی دەریایی نواگیری لە فڕۆکەیگ بێفڕۆکەوان کردگە کە لە خوەرهەڵاتەو وەشیاس، وەبی دیاریکردن شوین وەشیانی، بەڵام فرەجار دەسەواژەی "دیم خوەرهەڵات" ئەرا عراق وەکار تیەرێد.

وتیش: ئاگادارکەرەیل گورجەو نەکریاوێن، چوینکە رویداوەگە "لە دەیشت ئاسمان ئیسرائیل" بویە.

 لە چەن ساعەتیگ گوزەشتە یە دویەم جارە کە سوپای ئیسرائیل ریگری لە دڕۆن کەێد کە لە خوەرهەڵاتەو تیەێد.

 لە ماوەی چەن مانگ گوزەشتە، “وەرخۆدان ئیسلامی لە عراق” پەلامارەیل فرۆکەیل ییفرۆکەوان جیوەجی کەن، کە چەن شوینیگ ئیسرائیل کردە ئامانج، لەوانە ئیلات، ئەرا پشتگیریکردن لە کەرت غەززە، کە لە ٧ی ئۆکتۆبەر ٢٠٢٣ەو کەفتیەسە پەلامار ئیسرائیل.

 رووژ 18ی ئی مانگە ئیسرائیل راگەیان کە لە سەرەتای ئی مانگەو 65 پەلامار فڕۆکەی بێفڕۆکەوان دەسنیشانکردگە کە لە عراقەوە هاتنە، یەیش لە وەختیگ شمارەی پەلامارەیل لە ماوەی سێ مانگ گوزەشتە زیایکردگە.