وە دەسمیەتی داڵگی.. دەسگیرکردن کابرایگ 10 دزی لە نەجەف کردیە

شەفەق نيوز/ فەرماندەیی پولیس پارێزگای نەجەف، ئمڕوو شەممە، خەوەردا لە دەسگیرکردن توومەتباریگ وە جیوەجیکردن 10 دزی لە چشتەیلیگ جیاجیا هەرلە تەڵا تا ماتووڕسکڵ هاناویان.

فەرماندەییەگە لە بەیاننامەیگ رەسیە ئاژانس شەفەق نیوز وت: دویای لێکۆڵینەوە دەرکەفت کە دزەگە خوەی تەنیا نەویە، بەڵکم داڵگی دەسمیەتیی داگە، و چشتەیل دزیەگە دویای تاوانەیل فرووشتیە، و ئی هاوکاریە ناوەینیان هیشت کاریان وەردەوام بوود، تا ئەوەنە هیزەیل ئەمنی توەنستن بکەفنە شوینیان و دزەگە بگرن.

 وەگورەی بەیاننامەگە، ریکارەیل یاسایی وەگەرد توومەتبارەگە و داڵگی جیوەجی کریان، و دریانە دەس لایەنەیل پەیوەندیدار.