کوڕیگ داڵگی وەگەرد ماڵەگەی لە بابل سزنێد
شەفەق نیوز- بابل
فەرماندەیی پولیس پارێزگای بابل، ئمڕوو جمعە، خەوەردا لە کوشیان ژنیگ وە دەس کوڕەگەی و ئەوەیش وە سزاننی لەناو ماڵەگەی لە ناوچەی سیاحی سەروە شار حلە سەنتەر پارێزگاگە.
فەرماندەییەگە لە بەیاننامەیگ رەسیە ئاژانس شەفەق نیوز، دیاری کرد کە "دەسوەجێ دۊای رەسین خەوەر رۊداویگ سزیان، مەفرەزەیل نەهیشتن تاوانکاری صوب سەغیر وەرەو شوین رۊداوەگە چگن، کە لەورا ماڵیگ بۊچگ پەیا کردن کە ئاگرەگە وە تەواوی سزانۊدەی، لە وەختیگ ژنیگ لەناوی تویش سزیان بۊە".
هەمیش وت: "دۊای دەسکردن وە لێکۆڵینەوە و وەرگردن توومەتبارەگە لە مەفرەزەیل بنکەی پولیس وەردییە، و خریا وەردەم بەڵگەیل، راسییەگە ئاشکرا بۊ لە توومەتبارەگە، کە یەکیگە لە کەسە پیشینەدارەیل، چگە ژیر جیوەجیکردن تاوان سزانن داڵگی".
دەسنشان ئەرا ئەوە کرد کە "توومەتبارەگە وەپای قسەیلی، نەفت هاوردیە و رشانیەسەی بان داڵگی و لە گشت لایەیل ماڵەگە، ئیجا ئاگرسان داگە وە و شوینەگە وەجی هیشتیە، وەرجە ئەوەگ لە دەیشت هاوار بکەێد وە تەقەلای ئەوەگ خوەی نیشان بدەێد کە هانا خوازێد، لە دیمەنیگ کە تواستیە وەپییەو تاوانەگەی بشارێدەو".
دیاری کرد کە "قسەیل توومەتبارەگە وە دانپیادانان توومار کریا، و لەڕۊ دادوەرییەوە پەسەن کریا، و رێکارە یاساییە هەوەجەدارەیل وەرانوەری گیریاسە وەر".
