وە داوای پەکخسن دەوام فەرمی...کەشناسیگ هووشداری لە بەرزەوبوین "گەپیگ" پلەی گەرمی دەێد
2023-08-11T12:07:50+00:00
شەفەق نیوز/ کەشناس عەلی جابر زیادی، ئمڕوو جومعە، داوای پەکخستن دەوام فەرمی کەێد لەناوچە و شارەیل باشوور وڵاتەگە ک لە هەفتەی ئایندە بەرزەوبوین پلەی گەرمی وە خوەیان دوینن.
جابر زیادی وە ئاژانس شەفەق نیوز وت: کەشوهەوا گەرمەگە یەک لەدویای یەک مینێد وتێنەگەی زیایەوبوود لەوەر کاریگەری بەرزەوبوین گەرمی و چام وە تایبەت لە ناوچەیل باشوور و خوەرهەڵات، وتیش پلەی گەرمی بەرزەو بوود لە دە شار عراقیش رێژەگەی رەسێدە بان 50 پلەی سەدی.
مەزەنەکەێد، تا کۆتایی هەفتەی ئایندە بارودۆخ گەرمی کەشوهەوا وەردەوام بوود.
جابر زیادی وتیش: دەرفەت دروسبوین ئەور هەس، وەگەرد وارین دڵۆپە واران هەڕەمەکی لەناوچەیل سنووری باشوور، پێویستە حکومەت لە ناوچەیل باشوور وە وەرچەوگردن توانای، پەک دەوام بخەن لەوەر تنایی گەرمی و چام.
