وەخاکناین 20 تەرم لە سەرکردە و ئەندامەیل داعش لە كەركوك
شەفەق نیوز/ سەرچەوەیگ پزشکی لە فەرمانگەی پزشک دادوەری لە کەرکوک، ئمڕوو شەممە، ئاشکرا کرد کە دەسەیگ حکومەتی تەرم 20 کەس لە ئەندامەیل ریخریاگ داعش نادە خاک، لەناویان سەرکردەیلیگ وە گورزەیل چەک ئاسمانی عراقی لە دەورگرد پارێزگاگە کوشیانە.
سەرچەوەگە ئەرا ئاژانس شەفەق نیوز وت: فەرمانگەی پزشک دادوەری وەرجەیە لەی ساڵە نزیکەی 20 تەرم لە کوشیاگەیل داعش وەرگرد، کە سەرکردە و ئەندامیدەیل چەکدارن لەو ریخریاگ تیرۆریە، و دیاری کرد کە ئی تەرمەیلە وەلایەن ئەو دەزگایەیل ئەمنیە رەسینە فەرمانگەی پزشک دادوەری کە ئۆپراسیۆنەیل دژوە ئی ڕەندامەیلە جیوەجی کردنە.
وتیش: ئەو تەرمەیلە پزشک دادوەری وەریانگرد و ریکارەیل وەشکین شوینپەنجە و DNA ئەرا ئەو چل لاشە کرد، و زانیاریەیل تەواویگ لەلییان برد.
سەرچەوەگە وتیش: دەسەیگ لە شارەوانی کەرکوک و فەرمانگەی تەندروسی کەرکوک و دەسەی کاروبار ئاینی لە ئەنجومەن پارێزگای کەرکوک و ئەوقاف ئاینی، ریکارەیل وەخاکناین لە قەورسان پەنجە عەلی جیوەجی کردن، کە 20 قەور ئەرا ئەو تەرمەیلە ئامادە کریان کە وەلایەن هیزەیل ئەمنی عراقی لەناودریانە.
