وە بەشداری 600 خوەنەوار.. ڤیستیوال ریکردن تەندروس لە بەسرە دەسوەپی کرد (وینە)
شەفەق نیوز/ شەوەکی ئمڕوو سێشەممە، ڤیستیوال ساڵانەی ریکردن لە پارێزگای بەسڕە وە بەشداری زیاتر لە 600 خوەنەوار مەکتەوە جیاوازەیل پارێزگاگە دەسوەپی کرد، لە کۆرنیش شەتولعەرەب دەسوەپیکردن وە مەودای نزیکەی 1کم لەپێناو ئەوزەڵداین وە بنەمای ریکردن و وەرزش شەوەکیان.
رێکخەر ڤیستیواڵەگە ئیلاف حەمید لە بەیاننامەیگ رەسیە ئاژانس شەفەق نیوز راگەیان "چالاکیەگە وە سەرپەرشتی وەڕێوەبەرایەتی پەروەردەی بەسڕە و بەشداریکردن 60 مەکتەو سەرەتایی حکومی و تایوەت لە مەکتەوهیل پارێزگاگە وەڕیوەچی وە رێژەی 10 تا 12 خوەنەوار کوڕ و دویەت لە گشت مەکتەویل بەشداربوی ڤیستیوالەگە، لەنیمەی کۆرنیش شەتولعەرەب ریکردنەگە دەسوەپیکرد تا کۆتایی شوینەگە".
وتیش "ئامانج لەی ڤیستیوالە ئەوزەڵداین وە گیان وەرزشی و تەندروسیە لای خوەنەوارەیل بەشداربوی کە تەمەنیان پوریاگە ئەرا هووکارەبوین و وەردەوامبوین لە ئەنجامداین چالاکی وەرزشی و دروسکردن نەوەیلیگ کە فامستنە لە گرنگی سیتەم وەرزشی لە ژیان مرۆڤ".
