وەکارخستن فیکەی هوشداری لەناو باڵیۆزخانەی ئەمریکا لە بەغدا
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا کە فیکەی هوشداری لەناو باڵیۆزخانەی ئەمریکا لە بەغداد پایتەخت خریا کار.
سەرچەوەگە ئەرا ئاژانس شەفەق نیوز وت: باڵیۆزخانەی ئەمریکا لە بەغداد، و بارەگای لە ناوچەی خەزرای ناوڕاس پایتەخت، فیکەی هوشداری خستە کار.
سەرچەوەگە دیاری کرد کە وەکارخستن فیکەی هوشداری لە چوارچیوەی ریکارەیل ئامادەکاری تیەێد ئەرا تاقیکردن ئامادەیی ئەمنی و ریکارەیل مقیەتبوین لەناو باڵیۆزخانەگە، وتیش؛ ئەو تاقیکردنە پەیوەندی وە هویچ هەڕەشەیگ ئەمنی نەیرێد.
ئی کارە لە ریکارەیل رۆتینی لەناو دامەزراوە دیبلۆماسیەیل تیەێد ئەرا هەڵسەنگاندن ئاشت ئامادەباشی ئەرا وەخت فریاکەفتن.
کەرتەیل ئەمنی لە عراق دویەکە سێشەممە، کەفتنە ئامادەباشی (ج) لە دویای پەلامار مووشەکی ئیران وەبان ئیسرائیل، و فەرمان بڵاوبوین هیزەیل ئەمنی لە شوینە چووڵەیل دا، لە دویای پەلاماریگ وەبان شوینیگ دیبلۆماسی ئەمریکی نزیک فڕۆکەخانەی ناودەوڵەتی بەغداد.
شەوەکی ئمڕوو، ئامادەباشی سوپا تەواو بوی، وەگەرد ئامادەیی لە دامودەزگایل تەندروسی ئەرا پیشوازیکردن لە ئاوارەیل لوبنان یا هەر زەخمداریگ لە ئەنجام گورزەیل ئیسرائیل لە باشوور بەیروت.
