وەخاکسپاردن تەرم ٦٤ مردگ کۆرۆنا لەماوەی ٢٤ ساعەت
2020-07-24T15:22:41+00:00
شەفەق نیوز/ حەشد شەعبی، ئمڕوو جومعە، ئامادەکردن و وەخاکسپاردن ٦٤ مردگ لەوەر کۆرۆنا لە قەورسان وادی سەلام نوو لەنەجەف راگەیان. حەشد لە بەیاننەمەیگ رەسیە ئاژانس شەفەق نیوز وت: تیمە خۆبەخشه‌گەی لیوای دویەم لە حەشد شەعبی، لەماوەی ٢٤ ساعەت گوزەیشتە ، پێشوازی وئامادەکردن و وەخاکسپاردن تەرم ٦٤ مردگ لە قوربانیەیل ڤایڕۆس کۆرۆنا ئەنجامدا لە قەورسان وادی سەلام نوو لە نەجەف. بەیاننامەگە وتیش: مردگەیل بەشەوبوینە له بان بەغداد پایتەخت و نەجەف و زیقار و دیوانیە و واسیت و بەسرە و میسان و بابل و موسەنا. ئاماژەیە ک ژمارەی گشتی ئەرا وەخاکسپارەیل قەورسانەگە تا ئمڕوو جومعە رەسیە ٣٦٥٨ مردگ لە گشت پارێزگاگان، چواریان لە ئاین مەسیحیە و یەک مردگ لە سعودیە خەڵک شار ئیحسا.
