وه‌فه‌رمى.. "بنياتنان" كانديده‌گه‌ێ پيشكه‌ش وه سه‌رۆك كۆمار كرد
2019-12-22T19:59:18+00:00
شه‌فه‌ق نيوز/ هاوپه‌يمانى "بنياتنان" وه‌شيوه‌ى فه‌رمى داواكارى راسپاردن قوسه‌ى سوهێل ئه‌را سه‌رۆكايه‌تى حكومه‌ت له كتاويگ پيشكه‌ش وه به‌رهه‌م ساڵح سه‌رۆك كۆمار كرد.
به‌رهه‌م ساڵح زويتر جه‌خت له‌وه كرد سێ داواكارى له‌باره‌ى فراكسيۆن گه‌ورا وه‌پى ره‌سيه له هاوپه‌يمانى بنياتنان ئه‌را كانديدكردن قوسه‌ى سوهێل و يه‌كيگيش له سائرون ك بانگه‌واز ئه‌وه كردگه ك فراكسيۆن گه‌وراسه‌و يه‌كيگيش له 174 ئه‌ندام تر داواى كانديدكردن كه‌سايه‌تييگ كردنه هويچ پله‌و پايه‌يگ وه‌رنه‌گرتوێد يا خاوه‌ن دو ره‌گه‌زنامه نه‌دێ.
له‌ى باوه‌تيشه‌و به‌رهه‌م ساڵح سه‌رۆك كۆمار كتاويگ پيشكه‌ش وه په‌رله‌مان عراقى كرد ئه‌را ده‌رخستن راى له‌باره‌ى فراكسيۆن گه‌ورا ك پيشكه‌شكردن كانديد سه‌رۆكايه‌تى وه‌زيره‌يل له‌وه‌ێ ئه‌گرێد.
