وه‌زير بازرگانى: سزاى ئه‌و كه‌سه‌يله‌ ئه‌يه‌يم ك قووت ملله‌ت دزينه‌

عه‌بدولكه‌ريم له‌ دانيشتنيگ جيا له‌ ديوان وزاره‌ته‌گه‌ ك(شه‌فه‌ق نيوز)ئاگادارى بوى، وت: ئيمه‌ له‌ى رووژه‌يله‌ وه‌ خاسسازيه‌يل گه‌ورايگ گوزه‌ر ئه‌كه‌يم ك ئامانج له‌لى له‌ناوبردن گه‌ناته‌كاره‌يل و لاوردن شكه‌ستخواردگه‌يله‌ له‌ كار وزاره‌ته‌گه‌و له‌ئمڕووه‌و دويا سه‌خترين سزا ده‌رهه‌ق ئه‌و كه‌سه‌يله‌ ئه‌نجام ئه‌يه‌يم ك قووت ملله‌ت دزينه‌ وه‌ دريژايى ساڵه‌يل گوزه‌يشت.

وه‌زير بازرگانى هه‌ميش وت: قوناغ مه‌زه‌نه‌كردن گشتگيريگ ئه‌را گشت بواره‌يل كار وزاره‌ته‌گه‌ له‌گشت ناوچه‌يل وڵات ده‌س وه‌پيكردگه‌و له‌ئيسه‌و دويا بايه‌سه‌ گشت ئه‌و گه‌ناته‌كاره‌يله‌ ئاشكرا بكريه‌ن و سزايان بيه‌يم ك وازى وه‌ دارايى گشتى و قووت ملله‌ت كردنه‌ له‌ڕى كارت ته‌موينى و هه‌ر وه‌و خاتريشه‌ ليژنه‌يل تايبه‌ت وه‌ى مه‌سه‌له‌ دامه‌زريه‌ێد.