پولیس 5 کەس دەسگیر کەێد دەسدرویژی لەبان فەرمانبەرەیل شارەوانی کردنە لە بەعقووبە.. ڤیدیۆ

شەفەق نیوز/ لیوا روکن محمد کازم عەتیە فەرماندەی پولیس دیالە، ئمڕوو سێشەممە، دەسگیرکردن پەنج کەس راگەیان کە دەسدرویژی لەبان فەرمانبەرەیل شارەوانی بەعقووبە کردنە، مەوقەی جیوەجیکردن هەڵمەت لاوردن زیایچگن لە ناوچەی عوسمانیە نزیک پیەڵ رازی.

عەتیە لە بەیاننامەیگ رەسیە ئاژانس شەفەق نیوز وت: دەزگایەیل ئەمنی خەمسەردی وەرد هەر کەسیگ نیەکەن بتواێد ریگری لە جیوەجیکردن ریکارەیل حکومەتی بکەێد یا دەسدرویژی لەبان فەرمانبەرەیل دەوڵەت مەوقەی جیوەجیکردن ئەرکیان.

عەتیە وتیش؛ هەر تەقەلایگ ئەرا ریگریکردن لە کاروبار دامودەزگایەیل حکومەتی یا هەڕەشەی ئاسایش و ئارامی هاوڵاتیەیل ئەوەسا وە ریکارەیل یاسایی تون نوای گریەێد، و داوا لە گشتی کرد هاوکاری وەرد لایەنەیل پەیوەندیدار بکەن ئەرا مقیەتیکردن سیستەم گشتی.

  تیمەیل شارەوانی بەعقووبە هەڵمەت لاوردن زیایچگن لەناوچەگە جیوەجی کەن، هەناێ کەفتنە دەسدرویژی وەلایەن چەن کەسیگ، کە دەسوەردان هیزەیل ئەمنی خوازیە ئەرا دەسگیرکردن ئەوانەگ ئی کارەیلە کردنە، وەگورەی پەیامنێر ئاژانس شەفەق نیوز.