گولەی باوگە کۆتایی وە ژیان کوڕەگەی تیارێد
![گولەی باوگە کۆتایی وە ژیان کوڕەگەی تیارێد](https://media.shafaq.com/media/arcella/1716102180449.jpg)
2024-05-19T07:03:17+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان کوڕیگ پۆل شەش سەرەتایی وە گولەی کلاشینکۆف باوگی لە پارێزگای کەرکوک.
سەرچەوەگە وە ئاژانس شەفەق نیوز خەوەردا، "خوەنەواریگ پۆل شەش سەرەتایی لەداڵگبوی 2012 کوچ دویایی کردیە لە دویای زەخمداریبوین وە گولەی چەک باوگی لەدویای دروسبوین وردەوردە لەناوەین باوگی و هاوساگەیان لەناوڕاس کەرکوک کە باوگەگە تەقەلای تەقەکردن دایە هەنای کەسەیل ترەک رەسینە تا تفەنگ لە دەسی بوەن، گولە لەلی دەرچگە و کوڕەگەی زەخمدارکردیە".
وتیش، "مناڵەگە لە زگەو زەخمداربویە هەنای ئەرا خەسخانە کلکریا گیان لەدەسدا و تەرمەگەی رادەس پزیشک دادوەری کریا".