کوشیای و زەخمدار لەوەر مرافەیگ هووزانە لە باشوور عراق

شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە مرافەیگ هووزانەی چەکدار لە ناحیەی عەزیز لە پارێزگای میسان.

سەرچەوەگە ئەرا ئاژانس شەفەق نیوز وت: مرافەگە بویە هووکار کوشیان یەک کەس و زەخمداربوین چوار کەس تر.

و دیاری کرد ک هێزە ئەمنیەیلە دەسوەردان کردن و مرافەگە وسانن، و کەسەیل مرافەگە وەرەو شوین نادیاریگ واین.

هێزە ئەمنیەیلە ٦ کەس کەسیان لەناو مرافەگە بوی دەسگیر کردن.

لەلای خوەییش محمد کنانی قسەکەر تەندروسی میسان ئەرا ئاژانس شەفەق نیوز وت: تەنیا ٣ زەخمدار لە مرافەگە تۆمار کردیمن وەبی کوشیان.

وتیش؛ بنکەی تەندروسی ناحیەی عەزیز کەفتە وەر گولەواران لەو مرافە ک بویە هووکار زەردەیل گەورایگ و پەککەفتن سیستەم سەردەوکەر ناوی.