کوشیان و زەخمداری 10 کەس وە سێ رویداو هاتوچو لە دوو پارێزگای عراق
شەفەق نيوز- سەڵاحەدین/ موسەنا
سەرچەوەیگ ئەمنی، ئمڕوو شەممە، خەوەردا لە کوشیان و زەخمداری 10 کەس وە سێ رویداو هاتوچو جیاجیا لە پارێزگایەیل سەڵاحەدین و موسەنا.
سەرچەوەگە ئەرا ئاژانس شەفەق نیوز وت: رویداو یەکەم لەبان ری بەغداد-كەركوك نزیک سولەیمان بەگ بویە لە پارێزگای سەڵاحەدین، دیاری کرد کە رویداوەگە ناوەین ماشینیگ ساڵۆن و ماشینیگ بارهەڵگر بویە مدوو زەخمداری 6.
وتیش: رویداو دویەم لە ئەنجام پلیان ماشینیگ بارهەڵگر لەبان ری موسڵ - بەغداد لە پارێزگای سەڵاحەدین بویە، چوینکە رانددەگە سەری لەناو مۆبایل بویە, کە بویە هوکار کوشیان کەسیگ و زەخمداری کەسیگ ترەک.
سێیەم رویداویش لە ئەنجام رویداویگ هاتوچو لەبان ری سماوە - خزر لە پارێزگای موسەنا بویە مدوو کوشیان دوو کەس لە ئەنجام سزیان ماشینیان.
سەرچەوەگە وتیش: زەخمدارەیل ئەرا خەسەخانە بریان، و تەرم قوربانیەیل ئەرا پزشک دادوەری.
